ನಾನೊಬ್ಬ ಪು.ಪ್ರೇ. ಗುಂಪಿನ ಪೋಸ್ಟ್ಸ್ ಗೆ ಲಿಂಕ್ ಕೊಡಲೆ?

ನಮಸ್ಕಾರ ಎಲ್ಲರಿಗೂ..

ನಾನು ನಮ್ಮ ಫ಼ೇಸ್ ಬುಕ್ ಗ್ರೂಪಿನಲಿ ಬರೆಯುತ್ತಿರುವ ಆಂಗ್ಲ ಕಾದಂಬರಿಕಾರರ ಪರಿಚಯ ಮಾಲಿಕೆ ಅಂಕಣದ ಪೋಸ್ಟ್ಸ್ ಗಳಿಗೆ ಇಲ್ಲಿ ಕೊಂಡಿ ಕೊಡಲೋ, ಇಲ್ಲ ಅನವಶ್ಯಕವೋ ಗೊತ್ತಿಲ್ಲ…ನಿಮ್ಮಗಳ ಅಭಿಪ್ರಾಯವೇನು?

“ಮೈ ನೇಮ್ ಈಸ್…ಜೇಮ್ಸ್ ಬಾಂಡ್” – ಸೃಷ್ಟಿಸಿದ ಇಯಾನ್ ಫ಼್ಲೆಮಿಂಗ್

ಆಂಗ್ಲ ಕಾದಂಬರಿಕಾರರ ಪರಿಚಯ ಮಾಲಿಕೆ -೬
“ಮೈ ನೇಮ್ ಈಸ್…ಜೇಮ್ಸ್ ಬಾಂಡ್” – ಸೃಷ್ಟಿಸಿದ ಇಯಾನ್ ಫ಼್ಲೆಮಿಂಗ್
~~~~~~~~~~~~~~~~~~~~~~~~~~~~~~~~~~~~~~~~~~~~


ಗೂಢಚಾರ/ರಹಸ್ಯ ಏಜೆಂಟ್ ಎಂದರೆ ಜೇಮ್ಸ್ ಬಾಂಡ್ ಎಂದು ಪ್ರಪಂಚದ ಮೂಲೆಮೂಲೆಯಲ್ಲೂ ಚಿಕ್ಕ ಮಕ್ಕಳಿಗೂ ಇಂದು ಪರಿಚಿತ. ಇಂತಾ ಒಬ್ಬ ಲೋಕವೇ ಮರೆಯದ ನಾಯಕ ಪಾತ್ರವನ್ನು ಸೃಷ್ಟಿಸಿದ್ದು ಬ್ರಿಟಿಷ್ ನೇವಲ್ ಇಂಟೆಲಿಜೆನ್ಸ್ ವಿಭಾಗದಲ್ಲಿ ಖುದ್ದು ಅಧಿಕಾರಿಯಾಗಿ ಸೇವೆ ಸಲ್ಲಿಸಿ ನೈಜ ಅನುಭವ ಪಡೆದ ಪ್ರಸಿದ್ಧ ಲೇಖಕ ಇಯಾನ್( ಅಯಾನ್) ಫ಼್ಲೆಮಿಂಗ್(1908 – 1964).
ಎರಡನೇ ಮಹಾಯುದ್ಧದಲ್ಲಿ ತನ್ನ ಸ್ವಂತ ಅನುಭವ ಮತ್ತು ನಂತರ ಪತ್ರಕರ್ತನಾಗಿ ದುಡಿದು ಭಟ್ಟಿ ಇಳಿಸಿದ ಅನುಭವಸಾರವೇ ಜಗ ಮೆಚ್ಚಿದ ಏಜೆಂಟ್ ಜೇಮ್ಸ್ ಬಾಂಡ್ ಸರಣಿಯ ಕಾದಂಬರಿಗಳು. ತಮ್ಮ ೫೬ ವಯಸ್ಸಿನಲ್ಲೇ ನಿಧನರಾದರು ಇಯಾನ್.
ಅವರ ಮರಣದ ನಂತರವೂ ಇಂದಿಗೂ ಆ ಪಾತ್ರದ ಸರಣಿ ಚಲನಚಿತ್ರಗಳು ಬಿಡುಗಡೆಯಾಗುತ್ತಲೇ ಇರುವುದರಿಂದ ಹಲವರಿಗೆ ಅವರು ಖುದ್ದಾಗಿ ಬರೆದ ಕತೆಗಳೆಷ್ಟು, ನಂತರ ಚಿತ್ರ ನಿರ್ಮಾಪಕರು ಸೃಷ್ಟಿಸಿದ ಚಿತ್ರಕತೆಗಳ್ಯಾವುವು ಎಂಬುದರ ಮಾಹಿತಿ ಇಲ್ಲ.. ಅವರು ಬರೆದದ್ದು ೧೪ ಕಾದಂಬರಿಗಳು ಒಂದಾದ ಮೇಲೊಂದು.. ತದ ನಂತರ ಬಂದ ಮುಂದುವರೆದ ಸರಣಿ ಕತೆ/ ಚಿತ್ರಕತೆಗಳು ಸೇರಿ ಮೊತ್ತ ೨೪!
ಇಯಾನ್ ಮೊದಲು ಬರೆದ ಜೇಮ್ಸ್ ಬಾಂಡ್ ಕಾದಂಬರಿ -ಕ್ಯಾಸಿನೋ ರೊಯಾಲ್(೧೯೫೩). ಅನಂತರ ’ಲಿವ್ ಅಂಡ್ ಲೆಟ್ ಡೈ ’..ಹೀಗೆ ೧೪ ..ಆಕ್ಟೋಪಸ್ಸಿ(೧೯೬೬) ವರೆಗೂ!
ಅವರ ಪಾತ್ರಧಾರಿ ಜೇಮ್ಸ್ ಓರ್ವ ತನ್ನ ಬ್ರಿಟಿಷ್ ಇಂಟೆಲಿಜೆನ್ಸ್ ಅಧಿಕಾರಿ, ಅವನ ಕೋಡ್ ನಂಬರ್ ೦೦೭, ಅವನಿಗೆ ಕೊಲ್ಲಲು ಲೈಸೆನ್ಸ್ ಉಂಟು, ಅವನ ಬಾಸ್ ರಹಸ್ಯಮಯ ಸಂಕ್ಷಿಪ್ತ ಹೆಸರಿನ “ಎಂ” ಅವನನ್ನು ಚಿತ್ರವಿಚಿತ್ರ ಸನ್ನಿವೇಶಗಳಲ್ಲಿಯೂ ನಂಬಿ ಒಂದು ಪ್ರಪಂಚವನ್ನೇ ರಕ್ಷಿಸುವಂತಾ ಮಿಶನ್ನಿಗೆ ಕಳಿಸುತ್ತಿರುತ್ತಾನೆ.. ಜೇಮ್ಸ್ ಸುಂದರಾಂಗ ಜೆಂಟಲ್ ಮನ್, ಅವನ ಹಾವಭಾವ ಮತ್ತು ಚಾರ್ಮ್ ಗೆ ಹೆಂಗಳೆಯರು ( ವೈರಿ ಪಕ್ಷದವರೂ) ಮನಸೋತು ಪ್ರಣಯ ರಾಗ ಹಾಡುತ್ತಾ ಶರಣಾಗುತ್ತಾರೆ. ಅವನ ಬಾಸಿನ ಸೆಕ್ರೆಟರಿ ಮಿಸ್ ಮನಿಪೆನ್ನಿ ಕೂಡಾ ಮನದಲ್ಲೆ ಜೇಮ್ಸ್ ಅನ್ನು ಆರಾಧಿಸುತ್ತಾಳೆ…ಆದರೆ ಸರ್ವ ವಿದ್ಯಾ ಪಾರಂಗತ ಜೇಮ್ಸ್ ಯಾರಿಂದಲೂ ಮೋಸ ಹೋಗುವುದಿಲ್ಲ…ಅವನು ಕುಡಿಯುವ ಮದ್ಯ- ಮಾರ್ಟಿನಿ, ಅವನ ಸಿಗರೇಟ್ ಸೇದುವ ಶೈಲಿ, ಅವನ ಸ್ಪೆಷಲ್ ವ್ಯವಸ್ಥೆಯುಳ್ಳ ಏಕೈಕ ಕಾರ್ -ಬೆಂಟ್ಲಿ, ಅವನ ಸ್ಪೆಷಲ್ ರಿವಾಲ್ವರ್- ವಾಲ್ಥರ್ ಪಿಪಿಕೆ ೭.೬೫, ಅವನಿಗೆ ಬೆರಗಾಗುವಂತಾ ತಾಂತ್ರಿಕತೆ ಒದಗಿಸಿ ವೈರಿ ವಿರುದ್ಧ ಮೇಲುಗೈ ಪಡೆವಂತೆ ಮಾಡುವಾತ “ಕ್ಯೂ” …ಹೀಗೆ , ಎಲ್ಲವೂ ಒಂದು ರೀತಿಯ ಬ್ರ್ಯಾಂಡಿಂಗ್ ಸಂಕೇತಗಳೇ. ಪದೇ ಪದೇ ಅದನ್ನೇ ಒತ್ತಿ ಹೇಳಿ ಲೇಖಕರು ಜೇಮ್ಸ್ ಬಾಂಡನ್ನು ದೊಡ್ಡ ಚಿರಪರಿಚಿತ ವ್ಯಕ್ತಿತ್ವದವನಾಗಿ ಬೆಳೆಸುತ್ತಾ ಹೋದರು.. ಅವರ ಕಾದಂಬರಿಗಳು ಎಲ್ಲೆಲ್ಲೂ ಭಿಕರಿಯಾಗಿ ಮುದ್ರಿತ ಪ್ರತಿಗಳು ಮಾಯವಾಗುವಷ್ಟು ವೇಗದಲ್ಲಿ ಖರ್ಚಾದವು.. ಇಯಾನ್ ಇದಲ್ಲದೇ ಚಿಕ್ಕ ಮಕ್ಕಳಿಗಾಗಿ ಕತೆ ಇತ್ಯಾದಿ ಬರೆದಿದ್ದು ಸಹಾ ದಾಖಲೆಯಿದೆ
ಜೇಮ್ಸ್ ಬಾಂಡ್ ಎಲ್ಲರ ಮನಗೆದ್ದು ಇಂಗ್ಲೀಷ್ ಚಲಚಿತರ್ರಂಗದಲ್ಲೂ ಒಬ್ಬ ಅನುಕರಿಸಲರ್ಹ ಸ್ಟೈಲಿಷ್ ಮೇರು ವ್ಯಕ್ತಿತ್ವದವನಾಗಿ ಮೆರೆಯುತ್ತಾ ಬೆಳೆಯುತ್ತಾ ಹೋದ..ವಿಶ್ವದ ಭಾಷೆಗಳಲ್ಲೆಲ್ಲಾ ಲೋಕಲ್ ಜೇಮ್ಸ್ ಬಾಂಡ್ ಪಾತ್ರಧಾರಿ ಚಿತ್ರಗಳು, ಕಾಪಿಗಳು ಬರುತ್ತಾ ಹೋದವು…
ಮೊದಲು ಕೆಲವು ಬಾಂಡ್ ಚಿತ್ರಗಳನ್ನು ಶಾನ್ ಕಾನೆರಿ ಎಂಬ ಪ್ರಸಿದ್ಧ ಸ್ಕಾಟಿಶ್ ನಾಯಕ ನಿಭಾಯಿಸಿ ಎಲ್ಲಾ ಚಿತ್ರರಸಿಕರ ಮನದಲ್ಲೂ ಬೇರು ಬಿಟ್ಟ..ನಂತರ ಬಂದ ಸ್ವಲ್ಪ ಸೌಮ್ಯ ಕಳೆಯ ರೋಜರ್ ಮೂರ್ ಆ ಪರಂಪರೆಯನ್ನು ಉಳಿಸಿ ಬೆಳೆಸುತ್ತಾ ಹೋದರು, ಅನಂತರ ಬಂದ ಆಕರ್ಷಕ ವ್ಯಕ್ತಿತ್ವದ ನಟ ಪಿಯರ್ಸ್ ಬ್ರೋಸ್ನಾನ್, ಮತ್ತು ಇತ್ತೀಚೆಗೆ ಗಡಸು ಮುಖದ ಡೇನಿಯಲ್ ಕ್ರೇಗ್ ಆ ಪಾತ್ರದಿಂದಲೇ ಜಗದ್ವಿಖ್ಯಾತರಾದರು. ಒಂದು ಚಿತ್ರದಲ್ಲಿ ಜಾರ್ಜ್ ಲೆಜ಼ೆನ್ಬಿ ಎಂಬವರೂ ಕೂಡಾ ಇದ್ದರು.
ಬಾಂಡ್ ಚಿತ್ರಗಳಲ್ಲಿ ನಟಿಸಲು ವಿಶ್ವಚಿತ್ರರಂಗದ ಚೆಲುವೆ ನಾಯಕಿಯರ ಸಾಲು ಸಾಲೇ ಕಾದಿರುತ್ತವೆ, ಅದನ್ನು ಅವರ ಜೀವನದ ದೊಡ್ಡ ಸಾಧನೆಯೆಂದು ಪರಿಗಣಿಸಲಾಗುತ್ತದೆ.
ಆದರೆ ಬಾಂಡ್ ಚಿತ್ರಗಳೆಲ್ಲಾ ’ಮಸಾಲೆ ಬೆರೆತ ಆತಿರೇಕ, ವೈಭವೀಕೃತ ’ ಎನ್ನುವವರಿದ್ದಾರೆ. “ಮೊದಲು ಅವರ ಕಾದಂಬರಿಗಳನ್ನು ಓದಿ ನೋಡಿ, ಚಿತ್ರಗಳಲ್ಲ” ಎನ್ನುವ ಪಟ್ಟು ಬಿಡದ ಓದುಗ ವರ್ಗವೂ ಇನ್ನೂ ಇದೆ. ಅವರ ಪುಸ್ತಕಗಳು ಅಂಗಡಿಗಳಲ್ಲಿ ಸದಾ ದೊರೆಯುತ್ತವೆ ಎಂದು ಪ್ರತೀತಿ.
ಏನೇ ಆಗಲಿ, ಜೇಮ್ಸ್ ಬಾಂಡ್ ಗನ್ ಹಿಡಿದು ಪೋಸ್ ಕೊಡುತ್ತಾ, ಮೊದಲ ಸೀನಿನಲ್ಲಿ ಬೈನಾಕ್ಯುಲರಿನಲ್ಲಿ ತನ್ನನ್ನು ಗಮನಿಸುವ ವ್ಯಕ್ತಿಗೆ ಶೂಟ್ ಮಾಡಿ ಕೊಲ್ಲುತ್ತಾ , ಸೋಲದ ಸಾಹಸಿಯಾಗಿ ರಂಜಿಸುತ್ತಾ, ವರುಷಕ್ಕೊಂದರಂತೆ ಗಲ್ಲಾ ಪೆಟ್ಟಿಗೆ ಲೂಟಿ ಹೊಡೆಯುತ್ತಲೇ ಇದ್ದಾನೆ!

ಇಯಾನ್ ಫ಼್ಲೆಮಿಂಗ್ ಬರೆದ ಕಾದಂಬರಿಗಳ ಪಟ್ಟಿ ಇಲ್ಲಿದೆ:https://en.wikipedia.org/wiki/Ian_Fleming
ಜೇಮ್ಸ್ ಬಾಂಡ್ ಚಲನಚಿತ್ರಗಳ ಪಟ್ಟಿ ಇಲ್ಲಿದೆ:http://www.007james.com/artic…/list_of_james_bond_movies.php

Frederick Forsyth – ಫ್ರೆಡೆರಿಕ್ ಫೋರ್ಸೈಥ್ ಎಂಬ ಕತೆಗಾರ!

ಫ಼್ರೆಡೆರಿಕ್ ಫ಼ೋರ್ಸೈಥ್ ಎಂಬ್ ಬ್ರಿಟಿಶ್ ಗೂಡಚರ್ಯೆ ಲೇಖಕ :
೧೯೩೮ ರಲ್ಲಿ ಇಂಗ್ಲೆಂಡಿನಲ್ಲಿ ಜನಿಸಿದ ಫ಼್ರೆಡೆರಿಕ್ ಫ಼ೊರ್ಸೈಥ್ ಒಬ್ಬ ವಿದೇಶಾಂಗ ಪತ್ರಕರ್ತ, ಗೂಢಚಾರ ಮತ್ತು ಸಂಶೋಧನಾತ್ಮಕ ಲೇಖಕ.

forsyth

ಇವರು ಬರೆದ ಮೊದಲ ಕೃತಿ ‘ದ ಡೇ ಆಫ್ ದ ಜೆಕಾಲ್ ’ ಎಂಬ ಹತ್ಯೆಗಾರನ ( ಈಗಿನ ಭಾಷೆಯಲ್ಲಿ ಸುಪಾರಿ ಕಿಲ್ಲರ್!) ನಿಗೂಢ ರಾಜಕೀಯ ಕಥನ ವಿಶ್ವಖಾತಿ ಪಡೆದ ಕೃತಿಯಾಯಿತು. ಫ಼್ರಾನ್ಸ್ ಅಧ್ಯಕ್ಷ ಚಾರ್ಲ್ಸ್ ಡೆ ಗಾಲ್ ಅವರನ್ನು ಕೊಲ್ಲಲು ಅವರ ರಾಜಕೀಯ ವಿರೋಧಿಗಳ ಗುಂಪೊಂದು ಅತ್ಯಂತ ಚಾಣಾಕ್ಷ ಹಾಗೂ ನಿಗೂಢ ವ್ಯಕ್ತಿತ್ವದ ಅಂತರರಾಷ್ಟ್ರೀಯ ಹತ್ಯೆಗಾರ “ಜೆಕಾಲ್ ” ಎಂಬ ಭೂಗತ ಲೋಕದ ಕೋಡ್ ಇರುವಾತನನ್ನು ಬಾಡಿಗೆಗೆ ತೆಗೆದುಕೊಳ್ಳುವ ವಸ್ತುವಿದ್ದ ಕಾದಂಬರಿ, ಅತ್ಯುತ್ತಮ ರಾಜಕೀಯ ಮಾಹಿತಿ, ಸಂಧರ್ಭ- ಸನ್ನಿವೇಶದ ಸಂಶೋಧನೆಯಿಂದ ಆಸಕ್ತಿ ಕೆರಳಿಸುವ ಥ್ರಿಲ್ಲರ್ ಎಂದು ಎಲ್ಲರ ಬಾಯಿ ಮಾತಾಯಿತು. ಅದರಲ್ಲಿ ಉಸಿರು ಬಿಗಿಹಿಡಿಯುವಂತಾ ಸನ್ನಿವೆಶಗಳು ಮೊದಲಿನಿಂದ ಕೊನೆಯ ಕ್ಷಣದವರೆಗೂ ಓದುಗರ ಆಸಕ್ತಿಯನ್ನು ಹೆಚ್ಚಿಸುತ್ತಾ ಹೋಗುತ್ತದೆ
ಮುಂದೆ ಅದುವೇ ೧೯೭೩ರಲ್ಲಿ ಎಡ್ವರ್ಡ್ ಫ಼ಾಕ್ಸ್ ಎಂಬ ನಾಯಕನ ಅಭಿನಯದಲ್ಲಿ ಅಷ್ಟೇ ಜನಪ್ರಿಯವಾದ ಚಲನಚಿತ್ರವೂ ಆಗಿ ಮೂಡಿಬಂತು. ಅದನ್ನು ಈಗಲೂ ಸ್ಮರಿಸಿಕೊಳ್ಳುವವರಿದ್ದಾರೆ ( ನನ್ನನ್ನೂ ಸೇರಿ). ಖಳನಾಯಕ ಪ್ರಧಾನ ಪಾತ್ರಕ್ಕೆ ಜನ ಸಕಾರಾತ್ಮಕವಾಗಿ ಸ್ಪಂದಿಸಿದ್ದೂ ಇದೇ ಮೊದಲೇನೋ.
ನಂತರ ಇವರು ಬರೆದ ಎರಡನೇ ಕೃತಿ- “ದಿ ಒಡೆಸ್ಸಾ ಫೈಲ್” ಎಂಬ ಕಾದಂಬರಿಯಲ್ಲಿ ಎರಡನೆ ಮಹಾಯುದ್ಧದಲ್ಲಿ ಹಿಟ್ಲರ್- ಹಿಮ್ಮಲರ್ ಮುಂತಾದ ಜರ್ಮನ್ನರ ನರಮೇಧ ಅತ್ಯಾಚಾರಗಳ ಸಂಬಂಧಿತ ವಸ್ತು ಮತ್ತು ಅದನ್ನು ಪತ್ತೆ ಮಾಡುವ ಛಲ ತೊಟ್ಟ ಒಬ್ಬ ಪತ್ರಕರ್ತನೊಬ್ಬನ ರೋಚಕ ವೃತ್ತಾಂತವಿತ್ತು. ಈ ಕಾದಂಬರಿ ಕೂಡಾ ಫೊರ್ಸೈಥ್ ಅವರ ಪ್ರಥಮ ಸ್ಥಾನವನ್ನು ಅತಿ ಶೀಘ್ರವಾಗಿ ಆಂಗ್ಲ ಸಾಹಿತ್ಯದಲ್ಲಿ ಗಟ್ಟಿ ಮಾಡಿತು. ಈ ಕಾದಂಬರಿ ಕೂಡಾ ಜನಪ್ರಿಯ ಚಲನಚಿತ್ರವಾಗಿ ಆಗಲೇ ಮೂಡಿಬಂದು ಎಲ್ಲರೂ ಫೊರ್ಸೈಥ್ ಅವರ ಮುಂದಿನ ಕೃತಿ ಯಾವಾಗ ಬಂದೀತು, ಏನು ಬರೆದಾರು ಎಂದು ಕುತೂಹಲ ಪಡುವಂತಾಯಿತು.
ಅವರ ಪ್ರತಿ ಕಾದಂಬರಿಯ ಹಿಂದೆ ತಿಂಗಳು ಗಟ್ಟಲೆ ಉತ್ತಮ ಸಂಶೋಧನೆ ಇದ್ದು, ನೈಜ ರೂಪದಲ್ಲಿ ಓದುಗರ ಕಣ್ಣಿಗೆ ಕಟ್ಟುವಂತೆ ಕಾದಂಬರಿ ರಚಿಸುವವರಾಗಿದ್ದಾರೆ.
ಇವೆರಡೇ ಅಲ್ಲದೇ ಸುಮಾರು ೧೫-೧೬ ಕಾದಂಬರಿಗಳನ್ನು ವೈವಿಧ್ಯಮಯ ರಾಜಕೀಯ, ಭೌಗೋಳಿಕ ಚಿತ್ರಣ ಮತ್ತು ವಸ್ತುವಿನಿಂದ ಸಜ್ಜುಗೊಳಿಸಿ ಆ ವರ್ಗದ ಪುಸ್ತಕಗಳಲ್ಲಿ(ಲಕ್ಷಾಂತರ ಪ್ರತಿಗಳ ಮಾರಾಟ ಕಂಡಿರುವ) ಇಂಗ್ಲೀಶಿನ ಸದಾಕಾಲದ ಬೆಸ್ಟ್ ಸೆಲ್ಲರ್ ಸ್ಥಾನದಲ್ಲಿದ್ದಾರೆ.
ನಾನು ಇನ್ನೂ ನೆನೆಪಿಟ್ಟುಕೊಂಡಿರುವ ಅವರ ಕಾದಂಬರಿಗಳ ಪಟ್ಟಿ:
ದ ಡೇ ಆಫ್ ದ ಜಕಾಲ್
ದ ಒಡೆಸ್ಸಾ ಫೈಲ್
ದ ಡಾಗ್ಸ್ ಆಫ್ ವಾರ್
ದ ಅವೆಂಜರ್
ದ ಐಕಾನ್
ದ ಫ಼ೋರ್ಥ್ ಪ್ರೊಟೋಕೋಲ್
ದ ಡೆವಿಲ್ಸ್ ಆಲ್ಟರ್ನೇಟಿವ್
ದ ಫ಼ಿಸ್ಟ್ ಆಫ್ ಗಾಡ್
ಇತ್ಯಾದಿ
ಅವರ “ದ ಡೇ ಆಫ್ ದ ಜೆಕಾಲ್ ” ಕಾದಂಬರಿಯು ಕನ್ನಡಕ್ಕೆ ಅನುವಾದವಾಗಿದೆಯೆಂದು ಸಂಪದ ಬ್ಲಾಗಿನಲ್ಲಿ ಉಲ್ಲೇಖಿಸಿದ್ದಾರೆ:
“ಅದರ ಅನುವಾದಕರು ಯಾರೆಂದು ನೆನಪಿಲ್ಲ..ಹಲವು ಆಂಗ್ಲ ಬರಹಗಳನ್ನು ಸಮರ್ಥವಾಗಿ ಕನ್ನಡೀಕರಿಸಿದ ಶ್ರೀಯುತ ಎಚ್ ಆರ್ ಚಂದ್ರವದನರಾವ್ (ಮೈಸೂರು)ಅವರೇ ಇರಬಹದು –ಸಂಪದ ಬ್ಲಾಗ್”
https://goo.gl/PNBdBc
ನಿಮ್ಮಲ್ಲಿ ಮಾಹಿತಿ ಭರಿತ ಸಂಶೋಧನಾತ್ಮಕ ( ಮತ್ತು ದಪ್ಪ ಸೈಜಿನ) ಕಾದಂಬರಿ ಇಷ್ಟ ಪಡುವವರು ಫ಼ೋರ್ಸೈಥ್ ಕತೆಗಳನ್ನು ಒಮ್ಮೆ ಓದಲೇ ಬೇಕು.
(ಎಲ್ಲ ಕಾದಂಬರಿಗಳೂ ೪.೫-೫/೫ ರೇಟಿಂಗ್ ನವು)

dayofthejackal

ಬ್ಯಾಂಕ್ ಅಧಿಕಾರಿಗಳೆಂಬ ಬ್ಯಾಂಕ್ ಅಧಿಕಾರಿಗಳೆಂಬ “ಕೆಲವು”… ಮಹಾ ಭ್ರಷ್ಟರನ್ನು ಬಹಿಷ್ಕರಿಸಿ…

ಬೆಳಿಗಾದಾರೆ ಇದೇ ಸುದ್ದಿ…. ನಮ್ಮ ಹಣವನ್ನು ಕಾಪಾಡಿ ಉಳಿಸಿ ಬೆಳೆಸಬೇಕಿದ್ದ ಬ್ಯಾಂಕ್ ಅಧಿಕಾರಿ ವರ್ಗ ಕಾಶ್ಮೀರದಿಂದ ಕನ್ಯಾಕುಮಾರಿ, ಗುಜರಾತದಿಂದ ಬಂಗಾಳದವರೆಗೂ ತಮ್ಮ ಕಾಳ ಕೃತ್ಯವನ್ನು ಎಸಗುತ್ತಾ ಹೊಸ ನೋಟುಗಳನ್ನು ಕೋಟಿಗಟ್ಟಲೆ ಲೆಕ್ಕದಲ್ಲಿ ನುಂಗಿ ನೀರು ಕುಡಿಯುತ್ತಾ ಇಂದಿನ ಹಣದ ಹಸಿವಿನ ಸಮಾಜಕ್ಕೆ ದೊಡ್ದ ಪಾಪವನ್ನೇ ಎಸಗಿದ್ದಾರೆ ಎಂಬುದರಲ್ಲಿ ಸಂದೇಹವೇ ಇಲ್ಲ.

ನಾನೂ ಎಂದೂ ವೈಯಕ್ತಿಕ ವರ್ಗವನ್ನು ದೂಷಿಸ್ದಿದವನಲ್ಲ..ಆದರೆ ಈ ಬಾರಿ ಬ್ಯಾಂಕ್ ಅಧಿಕಾರಿಗಳು ಕಾಳಧನಿಕರು, ಭ್ರಷ್ಟ ಸರಕಾರಿ ಅಧಿಕಾರಿಗಳು, ವಾಣಿಜ್ಯೋದ್ಯಮಿಗಳ ಜತೆ ಶಾಮೀಲಾಗಿ ದೇಶಕ್ಕೆ ಮಹಾಪರಾಧವನ್ನು ನಾಚಿಕೆಯಿಲ್ಲದೇ ಎಸಗುತ್ತಿದ್ದಾರೆ. ಹಣವನ್ನು ಸಾರ್ವಜನಿಕವಾಗಿ ವಿತರಿಸದೇ ಎಲ್ಲಾ ಬಗೆಯ ಅಪರಾಧವನ್ನು ಒಳಗೊಳಗೇ ಮಾಡುತಿದ್ದಾರೆ.
ದೇಶದ ಪ್ರಧಾನಿ ತೊಟ್ಟ ಆರೋಗ್ಯಕರ ಸದುದ್ದೇಶ ಭರಿತ ದೀಕ್ಷೆಗೆ ಕಳಂಕವೆಸಗುವಂತೆ ದೇಶದಾದ್ಯಂತ ಯಾವ ವ್ಯತ್ಯಾಸವೂ ಇಲ್ಲದಂತೆ ಎಲ್ಲಾ ಬ್ಯಾಂಕಿನ ಹಿರಿಯ ಅಧಿಕಾರಿಗಳೂ ಈ ಶೋಷಣೆಯಲ್ಲಿ, ಅಪರಾಧದಲ್ಲಿ ಎಗ್ಗಿಲ್ಲದೇ ಭಾಗವಹಿಸಿದ್ದಾರೆ…ಆದಾಯ ತೆರಿಗೆ ವಿಭಾಗದವರು ತಮ್ಮ ಕೈಲಾದ ಮಟ್ಟಿಗೆ ಇವರನ್ನು ಪತ್ತೆ ಹಚ್ಚಿ ಬಯಲಿಗೆಳೆಯುತ್ತಲೇ ಇದ್ದಾರೆ, ಆದರೆ ಭಯವೆಂದರೆ, ಇವರ ಕಣ್ಣಿಗೂ ಮಣ್ಣೆರಚಿ ಸುರಕ್ಷಿತವಾಗಿ ಹೊಸ ನೋಟು ಹಳೆ ನೋಟುಗಳನ್ನು ಕೋಟಿಗಟ್ಟಲೆ ಬಚ್ಚಿಟ್ಟಿರುವ ಎಲ್ಲ ಭ್ರಷ್ಟರೂ ಹೀಗೇ ಸಿಕ್ಕಿ ಬೀಳುತ್ತಾರೆಂಬ ಭರವಸೆ ಯಾರಿಗಿದೆ??..
Is this the tip of the Iceberg?
ಒಂದು ಕಾಲದಲ್ಲಿ ಬ್ಯಾಂಕಿನಲ್ಲಿ ನೌಕರಿ ಮಾಡುವವರಿಗೆ ( ೮೦-೯೦ ರ ದಶಕಗಳಲ್ಲಿ) ಇನ್ನಿಲ್ಲದ ಸಾಮಾಜಿಕ ಮರ್ಯಾದೆ, ವರರಿಗೆ ಮದುವೆಯಲ್ಲಿ ಹೆಣ್ಣು ಕೊಡಲು ದುಂಬಾಲು ಬೀಳುತ್ತಿದ್ದವರೂ ಉಂಟು..
ಆದರೆ ಈಗ, ಇಂತಾ ಲಜ್ಜೆಗೇಡಿ ಬ್ಯಾಂಕ್ ಭ್ರಷ್ಟರನ್ನು ಸಾಮಾಜಿಕವಾಗಿ ಬಹಿಷ್ಕಾರ ಮಾಡಿ, ತುಚ್ಚೀಕಾರ ಮಾಡುವ ಸಮಯ ಬಂದಿದೆ ಎಂದು ಬಲವಾಗಿ ಅನಿಸುತ್ತಿದೆ..
#BOYCOTT-CORRUPT-BANKMEN!

Can your Blog make money for you?

I am  like a newbie into Money making blogs, despite being a  blogger on free hosted blogs for many years on nageshkumarcs.blogspot.in.

But I have been  reading some sensational success stories of people who are earning millions by dint of their hard work , diversity and entrepreneurship in writing. First I understand that you need to have a domain of your own rather than a sub-domain of Blogger or wordpress.com.

Like, you can own a domain on Bluehost on WordPress.org , popular ones for such blogs on the recent days.

You use marketing plugins and constantly create interesting and popular topic posts and d make them visible on search Engines using a technique called SEO

Well, its a long tedious process and you have to persevere.

For those interested , you can browse:

Read More on this:

  1. https://www.shoutmeloud.com/how-to-install-wordpress-and-steps-after-installing-wordpress.html
  2. http://www.problogger.net/how-to-start-a-blog/

Happy Blogging and counting money!

ಕೈ ಬೀಸಿ ಕರೆಯುತಿದೆ…ಟೆಂಟ್ ಸಿನೆಮಾ!:

ಕೈ ಬೀಸಿ ಕರೆಯುತಿದೆ…ಟೆಂಟ್ ಸಿನೆಮಾ!: 

ಬೆಂಗಳೂರಿನಲ್ಲಿ  ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಬಯಸುವವರಿಗಾಗಿ ಸಮಗ್ರ ಶಿಕ್ಷಣ ಕ್ರಮದೊಂದಿಗೆ ಸಕಲ ಸೌಲಭ್ಯಗಳನ್ನೂ ಉಳ್ಳ ಸುಸಜ್ಜಿತ ವಿದ್ಯಾ ಸಂಸ್ಥೆಯೆಂದರೆ – ಡಾ. ನಾಗತಿಹಳ್ಳಿ ಚಂದ್ರಶೇಖರ್ ತಂಡದವರ ‘ಟೆಂಟ್ ಸಿನೆಮಾ’.

ಈ ಶಾಲೆಯ ಅದ್ವಿತೀಯ ಅಂಶಗಳೆಂದರೆ:

  • ಅಧಿಕ ಪ್ರಾಯೋಗಿಕ ತರಬೇತಿ, ಕಡಿಮೆ ಪಠ್ಯಪುಸ್ತಕ ಮಾದರಿ
  • ಚಿತ್ರರಂಗದ ಪರಿಣಿತರಿಂದ ತರಬೇತಿ
  • ಅಚ್ಚುಕಟ್ಟಾಗಿ ಸಂಯೋಜಿಸಿದ ನೂತನ ಪಠ್ಯಕ್ರಮ
  • ಸ್ಟುಡಿಯೋ ಭೇಟಿ ಮತ್ತು ಹೊರಾಂಗಣ ಪ್ರವಾಸ
  • ನಿರಂತರ ಅಭಿವೃದ್ಧಿ ಹೊಂದುವ ಕೋರ್ಸುಗಳು
  • ಆಡಿಶನ್ ಗೆ ಉತ್ತಮ ಅವಕಾಶಗಳು

೨೦೧೩ರಲ್ಲಿ ಸ್ಥಾಪಿತವಾದ ಜನಪ್ರಿಯ ಹಿರಿಯ ಸಾಹಿತಿ-  ಚಿತ್ರ ನಿರ್ದೇಶಕರಾದ ‘ಮೇಷ್ಟ್ರು’ ಎಂದೇ ಕರೆಯಲ್ಪಡುವ ನಾಗತಿಹಳ್ಳಿ ಚಂದ್ರಶೇಖರ್ ರವರ ಈ ಯಶಸ್ವಿ ಪ್ರಯೋಗದಲ್ಲಿ ನಾಡಿನ ಹೊಸ ಯುವಕ-ಯುವತಿಯರೂ, ಮಧ್ಯವಯಸ್ಕರಲ್ಲದೇ, ಚಿಗುರುವ ಪ್ರತಿಭೆಗಳಾದ ಹೊಸ ಕಲಾವಿದರೂ, ಎಲ್ಲಾ ಆಸಕ್ತ ವರ್ಗದವರೂ ಚಿತ್ರರಂಗದ ವಿವಿಧ ಕಸುಬುಗಳಲ್ಲಿ ತಮ್ಮನ್ನು ತಾವು ತರಬೇತಿ ಪಡೆದು ತೊಡಗಿಸಿಕೊಳ್ಳಲು ಸೇರಬಹುದಾಗಿದೆ. ಇಂತಾ ಉತ್ಸುಕರಾದರೆಲ್ಲವರಿಗೂ ವರ್ಷವಿಡೀ ತೆರೆದಿರುವ ಈ ಚಿತ್ರಶಾಲೆಯಲ್ಲಿ ಕನ್ನಡ ಚಿತ್ರರಂಗದ ಪ್ರತಿಭಾವಂತ ಹಾಗೂ ಜನಪ್ರಿಯ ಚಿತ್ರರಂಗ ಮತ್ತು ಕಿರು ತೆರೆಯ ದಿಗ್ಗಜರೂ, ಹೊಸಪ್ರತಿಭೆಗಳೂ ತಮ್ಮ ಯಶಸ್ವಿ ವೃತ್ತಿ ಜೀವನದ ಅನುಭವವನ್ನು ಧಾರೆಯೆರೆದು ಕಲೆಯನ್ನು ಕಲಿಸುವ ಕೈಂಕರ್ಯದಲ್ಲಿ ಸಕ್ರಿಯರಾಗಿದ್ದಾರೆ.

ಈ ಶಾಲೆಯಲ್ಲಿ ಇದುವರೆಗೂ ೨೫ ಕ್ಕೂ ಹೆಚ್ಚು ಕಿರುಚಿತ್ರಗಳನ್ನು ಸಂಪೂರ್ಣವಾಗಿ ಅಭಿನಯ ಕೋರ್ಸಿನ ವಿದ್ಯಾರ್ಥಿಗಳೇ ನಿರ್ಮಿಸಿದ್ದಾರೆ.(ಯೂ ಟ್ಯೂಬ್ ಚಾನೆಲ್ ಕೊಂಡಿ ಕೆಳಗಿದೆ). ಈ ಚಿತ್ರಗಳ ನಿರ್ಮಾಣದಲ್ಲಿ ಚಿತ್ರಕತೆ, ಛಾಯಾಗ್ರಹಣ, ಚಿತ್ರ ನಿರ್ಮಾಣ ಮುಂತಾದ ಕೋರ್ಸಿನ ವಿದ್ಯಾರ್ಥಿಗಳನ್ನೂ ಭಾಗವಹಿಸಲು ಅವಕಾಶ ನೀಡುತ್ತಾರೆ.  ಈ ಕಿರು ಚಿತ್ರ ನಿರ್ಮಾಣದ ಮೂಲಕ ಅವರಿಗೆ ಮುಖ್ಯವಾಹಿನಿ ಚಿತ್ರರಂಗದ ಉತ್ತಮ ಅನುಭವವನ್ನು ಕಟ್ಟಿಕೊಡಲಾಗುತ್ತದೆ.

ಚಿತ್ರರಂಗದ ವಿವಿಧ ಕೌಶಲಗಳಾದ  ಅಭಿನಯ, ಚಿತ್ರಕತೆ ರಚನೆ, ನಿರ್ದೇಶನ, ಸಿನೆಮೆಟೋಗ್ರಾಫಿ ( ಛಾಯಾಗ್ರಹಣ), ಗೀತ ಸಾಹಿತ್ಯ, ಸಂಭಾಷಣೆ, ಸಂಗೀತ, ಸಂಕಲನ (ಎಡಿಟಿಂಗ್) ಮುಂತಾದ ಎಲ್ಲಾ ಶಾಖೆಗಳಲ್ಲೂ ಪ್ರೊಫೆಶನಲ್  (ವೃತ್ತಿಪರ) ಪರಿಣತಿ ಪಡೆಯಬಹುದಾಗಿದೆ. ಎಲ್ಲ ವರ್ಗದವರಿಗೆ ಎಟಕುವ ಅವಧಿ ಮತ್ತು ಶುಲ್ಕದಲ್ಲಿ ಹಲವು ಆಯ್ಕೆಗಳಿರುವ ಫುಲ್ ಟೈಮ್, ಪಾರ್ಟ್ ಟೈಮ್ ಅಲ್ಲದೇ ವಾರಾಂತ್ಯದ ಕೋರ್ಸುಗಳನ್ನೂ, ಕಾರ್ಯಾಗಾರಗಳನ್ನೂ, ಶಿಬಿರಗಳನ್ನೂ ಇಲ್ಲಿ ಏರ್ಪಾಡು ಮಾಡುತ್ತಿರುತ್ತಾರೆ.

ಕ್ಲಾಸ್ ರೂಮ್ ಶಿಕ್ಷಣ, ಗುಂಪು ಚಟುವಟಿಕೆ, ಚಿತ್ರ ವೀಕ್ಷಣೆ, ಸ್ಟುಡಿಯೋ ಭೇಟಿ, ಹೊರಾಂಗಣ ಪ್ರವಾಸ, ಅತಿಥಿ ಭಾಷಣ ಹಾಗೂ ಕಿರು ಚಿತ್ರ ನಿರ್ಮಾಣ ಮುಂತಾದ ಕಾರ್ಯಕ್ರಮಗಳಲ್ಲಿ ವಿದ್ಯಾರ್ಥಿಗಳನ್ನು ಉತ್ಸಾಹದಿಂದ ತೊಡಗಿಸಿಕೊಳ್ಳುವಂತೆ ಪ್ರೋತ್ಸಾಹಿಸಿ ಅವಕಾಶ ನೀಡಲಾಗುತ್ತದೆ.  ಚಿತ್ರರಂಗದ ಖ್ಯಾತ ಕಲಾವಿದರಾದ ನಿರ್ದೇಶಕ ಪವನ್ ಕೆ ವಡೆಯರ್, ಟಿ ಎನ್ ಸೀತಾರಾಂ, ಪಿ ಶೇಷಾದ್ರಿ, ನಾಯಕ ನಟ ರಮೇಶ್ ಅರವಿಂದ್,

ಹಿರಿಯ ನಟ ಶಿವರಾಂ, ಅಭಯ್ ಸಿಂಹ, ಚಿತ್ರಸಾಹಿತಿ ಕವಿರಾಜ್, ಸಂಗೀತ ನಿರ್ದೇಶಕ ವಿ. ಮನೋಹರ್, ನಟಿ ವಿನಯಾ ಪ್ರಸಾದ್, ನಿರ್ದೇಶಕ ಪ್ರಕಾಶ್ ಬೆಳವಾಡಿ, ಛಾಯಾಗ್ರಾಹಕ ಮನೋಹರ್ ಜೋಶಿ, ಸತ್ಯ ಹೆಗಡೆ, ರವಿ ಕುಮಾರ್ ಸನಾ ಮತ್ತಿತರರಿಂದ ಆಗಾಗ ನೆಡಯುವ ಅತಿಥಿ ಭಾಷಣ ಮತ್ತು ಸಂವಾದದಿಂದ ವಿದ್ಯಾರ್ಥಿಗಳು ತಮ್ಮ ಜ್ಞಾನ ಮತ್ತು ಪ್ರತಿಭೆಯನ್ನು ಅಭಿವೃದ್ಧಿ ಪಡಿಸಿಕೊಳ್ಳುವ ಸುವರ್ಣಾವಕಾಶವನ್ನೂ ಟೆಂಟ್ ಸಿನೆಮಾ ಸಂಸ್ಥೆ ನೀಡುತ್ತಾ ಬಂದಿದೆ.

ಈಗಾಗಲೇ ಹಲವಾರು ಪ್ರತಿಭಾವಂತ ಬಾಲ ಮತ್ತು ಯುವ ವಿದ್ಯಾರ್ಥಿಗಳು ಇಲ್ಲಿನ ತರಬೇತಿ ಪಡೆದು ಉತ್ತೀರ್ಣರಾಗಿ ರಂಗಭೂಮಿ, ಕಿರು ತೆರೆಯ ಧಾರಾವಾಹಿಗಳೂ, ರಿಯಾಲಿಟೀ ಪ್ರದರ್ಶನಗಳಲ್ಲೂ ಹಾಗು ಚಿತ್ರರಂಗದಲ್ಲೂ ಸಕ್ರಿಯವಾಗಿ ದುಡಿಯಲಾರಂಭಿಸಿದ್ದಾರೆ.

ಇಲ್ಲಿ ಚಿತ್ರೋದ್ಯಮದ ಖ್ಯಾತನಾಮರಾದ ಯೋಗರಾಜ್ ಭಟ್, ಪವನ್ ಕುಮಾರ್, ಅರ್ಜುನ್ ಜನ್ಯ,  ಶಶಾಂಕ್, ಗಿರೀಶ್ ಕಾಸರವಳ್ಳಿ, ಅನನ್ಯ ಕಾಸರವಳ್ಳಿ, ನಟಿ ಸುಧಾ ರಾಣಿ, ನಟ ಧನಂಜಯ್, ಸುಚೇಂದ್ರ ಪ್ರಸಾದ್ ಮೊದಲಾದವರು ಇಲ್ಲಿನ ಕೋರ್ಸುಗಳಲ್ಲಿ ಅತಿಥಿ ಭಾಷಣ ಮಾಡಿ ಹಲವಾರು ಮುಖ್ಯ ಮಾಹಿತಿಯನ್ನು ವಿದ್ಯಾರ್ಥಿಗ ಗಳೊಂದಿಗೆ ಹಂಚಿಕೊಂಡಿರುತ್ತಾರೆ.

ಇಲ್ಲಿ ಮುಂಬರುವ ಹೊಸ ಕೋರ್ಸುಗಳಲ್ಲಿ ಪ್ರಮುಖವಾದದ್ದು:

ಪೂರ್ಣ ಚಿತ್ರನಿರ್ಮಾಣ ( ಫಿಲ್ಮ್ ಮೇಕಿಂಗ್) ಕೋರ್ಸ್- ಜನವರಿ ೨೧ ರಿಂದ ೨೬ ರವರೆಗೆ ಆರು ದಿನ. ಇದರಡಿಯಲ್ಲಿ ಒಂದು ಪೂರ್ಣ ಪ್ರಮಾಣದ ಚಿತ್ರದಲ್ಲಿ ಅಡಕವಾದ ತಾರಾಗಣ ಮತ್ತು ತಂತ್ರಜ್ಞರ ಆಯ್ಕೆ, ಪೂರ್ವ ಸಿದ್ಧತೆಗಳು, ಚಿತ್ರಕತೆ, ಛಾಯಾಗ್ರಹಣ, ಸಾಹಿತ್ಯ  ಸಂಗೀತ,  ಸಂಕಲನ ಇತ್ಯಾದಿ ವೃತ್ತಿಗಳನ್ನು ನಿರ್ದೇಶಕ ಕೆ. ಎಂ. ಚೈತನ್ಯ ರ ಮಾರ್ಗದರ್ಶನದಲ್ಲಿ ನೆಡೆಸಲಾಗುವುದು. ಚಿತ್ರ ನಿರ್ಮಾಣದ ಸಂಪೂರ್ಣ ಪದ್ಧತಿಯನ್ನು ನಾಗತಿಹಳ್ಳಿ ಚಂದ್ರಶೇಖರ್ ರವರೇ ಕಲಿಸಿಕೊಡುತ್ತಾರೆ.

ಸಂಗೀತವನ್ನು ಪೂರ್ಣಚಂದ್ರ ತೇಜಸ್ವಿ, ಚಿತ್ರನಿರ್ಮಾಣದಲ್ಲಿ  ಅರ್ಥವ್ಯವಸ್ಥೆ/ ಉಳಿತಾಯದ (economics ) ಬಗ್ಗೆ    ‘ಲೂಸಿಯಾ ’ ಖ್ಯಾತಿ ಪವನ್ ಕುಮಾರ್ ಅತಿಥಿ ಭಾಷಣ ನೀಡುತ್ತಾರೆ. ಕಲಿಸಿಕೊಡಲಿದ್ದಾರೆ.

ಈ ತರಬೇತಿಯಲ್ಲಿ  ಒಂದು ಕಿರು ಚಿತ್ರವನ್ನು ಆದಿಯಿಂದ ಅಂತ್ಯದವರೆಗೂ  ಇದಕ್ಕೆ ಸೇರಿದ್ದ ವಿದ್ಯಾರ್ಥಿಗಳ ಸಹಯೋಗ ಮತ್ತು ಭಾಗವಹಿಸುವಿಕೆ ಮೂಲಕ ಕಲಿಸಿಕೊಡಲಾಗುತ್ತದೆ.

ವಿವರಗಳಿಗಾಗಿ ಸಂಪರ್ಕಿಸಿ:-

ಟೆಂಟ್ ಸಿನೆಮಾ

೧೮೪, ಲಿರಿಕ್ಸ್, ಮೂರನೆ ಮಹಡಿ, ೧೭ನೆ ಮೈನ್, ಬನಶಂಕರಿ ೨ನೆ ಘಟ್ಟ, ಬೆಂಗಳೂರು -೭೦

( ಬಿಡಿಎ ಶಾಪಿಂಗ್ ಕಾಂಪ್ಲೆಕ್ಸ್ ಬಳಿ)

ದೂರವಾಣಿ: 080-65695500/99005 55255/99455 46007

Email: beena.tentcinemaschool@gmail.com

Web: www.tentcinema.com

Facebook : tentcinemafilmschool

 Youtube.com/tentcinema.

 

 

 

Regarding Tent Cinema

Step into the world of… Tent Cinema!

For those interested in debuting into film career in Bangalore there can be no better place to start than the fully-equipped film teaching institution like TENT CINEMA set up by Nagathihalli Chandrashekar , a renowned Kannada author and filmmaker of repute.

The USP of this Institute includes:

  • More Practical’s and less theory
  • Current Kannada film industry experts as Faculty base
  • Well thought out, up-to-date and tested curriculum
  • Industry visits – to shootings, and studio’s
  • Continuous improvement in our courses.
  • Audition opportunities

Set up in 2013 by Chandrashekar, often referred as `Meshtru’ in Kannada because of his long association with teaching, the courses are designed to suit not just aspiring youth but any interested seekers belonging to different age groups and professions. The courses are flexi-timed and affordable too.

The school is open throughout the year and is proud to have on its faculty: many celebrities and experienced personalities in the film Industry who are talk-of-the-town today. These teachers are serving the Institution with sincerity and dedication, exchanging vignettes of their illustrious careers to students.

So far the school has produced more than 25 short films wholly created by the Acting course students, (YouTube Link provided below) always helped along by the active participation of students from Editing, scripts writing a Film making courses.

Thus the students experience in this exercise, an overview of all the skills involved in making a mainstream full-length movie.

All the different skill-sets and departments of Cinema like Acting, direction, Script writing, Music, Dialogues, Lyrics, Cinematography and editing are taught professionally, by which the students gain experience in all-round film making.

The courses are carefully structured to benefit different timings and duration like Part time, Full time, weekend courses, workshops, camps and the like.

Different aspects of film making like Classroom sessions, Group activity, Film viewing, Studio visits, educational trips to outdoor locations, short film making assignments are included here in a unique student-friendly way.

Celebrity film personalities and artistes like Film director Pawan K Wadeyar, TN Seetharam, P Seshadri, Prakash Belawadi, Abhay Simha, senior actor Shivaram, lead actor Ramesh arvind, actress Vinaya Prasad, Cinematographers Manohar Joshi, Sathya Hegde, Lyricist Kaviraj, Music director V Manohar and others have already taught here enriching the students with invaluable inputs drawn from their successful careers.

Many young artistes and student alumni of this school are already actively participating on the Stage, TV serials and Reality shows besides debuting in the Film Industry as well.

Many other Film Industry celebrities like Yogaraj Bhat, Pawan Kumar, Arjun Janya, Shashank , Girish Kasaravalli, Ananya Kasaravalli,Actress Sudha Rani, Actor Dhananjaya, Suchendra Prasad have delivered Guest Lectures over a period of time greatly benefitting the student community with greater Knowledge  and up-skilling.

Upcoming courses in the near future includes:

  • A Complete Film Making Course to be held between Jan 21 to Jan 26th for six days, incorporating Casting of artistes and Technicians, Pre-Production, Screenplay, Lyrics, Cinematography and Music. The course will be guided on by KM Chaitanya throughout and the art of a full film making will be handled by Nagathihalli Chandrashekar himself.
  • Music will be taught by Poornachandra Tejaswi and Economics of Film making will be handled by Pawan Kumar (of Lucia fame).
  • The Course syllabus includes a short film making from the scratch with students of all other departments actively participating in it too.

 

For more details, contact:

Tent Cinema

Lyrics, 3rd Floor,

#184, 17th Main Road Banashankari 2nd Stage,

Bangalore560 070.

Ph:+9199005-55255
080 6569 5500

Email: beena.tentcinemaschool@gmail.com

Web: www.tentcinema.com

Facebook : tentcinemafilmschool

 Youtube.com/tentcinema.